(तेज वली)
तुल्सीपुर । दाङका कारागारहरुमा सकारात्मक सोच सम्बन्धी प्रशिक्षण कार्यक्रम सुरु भएको छ । मंगलबार तुलसीपुर कारागारमा विभिन्न अपराधमा जेल जीवन बिताइरहेका महिला तथा किशोरीहरुलाई सकारात्मक सोच सम्बन्धी एक दिने प्रशिक्षण कार्यक्रमको आयोजना गरिएको हो ।
जिल्ला प्रशासन कार्यालय दाङको समन्वयमा महिला बालबालिका तथा जेष्ठ नागरिक मन्त्रालय काठमाण्डौको आयोजनामा प्रशिक्षण कार्यक्रमको आयोजना गरिएको थियो । प्रमुख जिल्ला अधिकारी दिर्घ नारायण पौडेलले एक कार्यक्रमका बिच आज प्रशिक्षण कार्यक्रमको उद्घाटन गर्दै प्रमुख पौडेलले बाँकी जिवनलाई तनाव मुक्त बनाउन जीवन उपयोगी सीपको विकास गर्दै तनाव ब्यबस्थापनमा लाग्नु पर्ने बताए ।
उनले कारागार सुधारका कार्यक्रमहरुलाई आफुले प्राथमिकतामा राखेर काम गर्ने समेत प्रतिवद्धता व्यक्त गरे । सो अवसरमा जीवन उपयोगी सिपको बारेमा जमुना महर्जन, शारिरीक स्वास्थ्य र मानसिक सवलताका बारेमा अनुराधा आचार्य, सिन्धु पाठक, पविना मिश्र लगायतले प्रशिक्षण दिएका थिए । तुलसीपुर कारागारमा २५ जना महिला र पाँच जना बालबालिका रहेका छन् ।
