होली पर्व घरमै बसेर मनाउन कोहलपुर DSP खनालको आग्रह

प्रकशित मिति : १४ चैत्र २०७७, शनिबार १६:०६

(महेन्द्र सिंह)
बाँके । हिन्दुहरुको होली पर्वमा सार्वजनिक कार्यक्रम नगर्न ईलाका प्रहरी कार्यालय कोहलपुरले सम्पूर्णमा आग्रह गरेको छ । सम्पूर्ण घर–परिवारमा मात्रै होली खेल्न आग्रह गर्दै कोहलपुर प्रहरीले होलीको नाममा कुनैपनि सार्वजनिक कार्यक्रम आयोजना नगर्न आग्रह गरेको छ ।
चैत १६ मा तराईका जिल्लामा होली मनाईदै छ । घरको छत, बरन्डा र झ्यालबाट जबर्जस्ती पिच्कारी र लोला हानेमा कानुनी कारवाही गरिने ईलाका प्रहरी कार्यालय कोहलपुरका प्रहरी प्रमुख डिसपी रबिन्द्र खनालले एबिसी संचार र खबर 24 नेपाल लाई बताए ।

सडकमा हिँडेका मानिसलाई इच्छा विपरित अवीर नदल्न प्रहरीले आग्रह गरेको छ । जिल्ला प्रहरी कार्यालय बाँकेले एक विज्ञप्ति सूचना मार्फत भनेको छ, ‘कोरोना संक्रमण बढ्नेतर्फ सचेत रहँदै नागरिकको जिम्मेवारी कसैले पनि नभुलौँ ।’

प्रकशित मिति : १४ चैत्र २०७७, शनिबार १६:०६