राम बहादुर बिश्वकर्मा, प्युठान
नियमित सेवा संचालनका लागि प्युठान जिल्ला अस्पताललाई जेनेरेटर उपलब्ध गराईएको छ । बिजुलीको चरम अभाव खेपिरहेको जिल्ला अस्पताललाई सहयोग पुर्याउने उद्देश्यले प्युठान नगरपालिका सहयोगमा प्राप्त ६२.५ के भि ए क्षमताको जेनेरेटर बुधवार एक कार्यक्रमबीच अस्पताललाई हस्तान्तरण गरिएको हो । बिजुली नियमित नभएका कारण सेवाग्राही समस्यामा परेको विषयलाई दृष्टिगत गर्दै ऐतिहासिक प्रथम नगरसभाको निर्णयअनुसार जेनेरेटर उपलब्ध गरिएको नगर प्रमुख अर्जुनकुमार कक्षपतिले बताउनुभयो । अस्पताल प्रयोजनका लागी मात्र प्रयोगमा ल्याउन पर्छ, बाहिर सप्लाई गरिनु हुँदैन यसको क्षमतामा ह्रास आउन सक्दछ केहि समय पछि ५० सैयाको सेवा प्रदान गराउने उद्देश्य भएकाले यस्ता पुर्बाधार थप गरिएको छ।
अहिलेसम्म मुखमा मात्र सुसासन र पारदर्शीता र जबाफदेहिताको कुरा गर्ने प्रचलन भएकाले यसको कार्यान्वयनको सुरुबात आफुबाट गर्नुपर्ने कक्षपतिले बताउनुभयो । अस्पतालबाट प्रदान गरिने जति पनि अत्यावशकिय सेवा उर्जाको अभावमा समस्या देखिएकाले यस्तो समस्यालाई टेवा पुर्याउने हेतुले जेनेरेटर प्रदान गरिएको प्युठान नगरपालिका प्रसासकिय अधिकृत नारायण प्रसाद भण्डारीले बताउनुभयो । पर्याप्त प्रबिधिको अभावमा सेवाग्राहीलाई सेवा प्रवाह गर्न गाह्रो थियो ।
