प्रकशित मिति : ८ असार २०७५, शुक्रबार १९:००

राघबेन्द्र चौबे (पकडी )कपिलवस्तु -०८
कपिलवस्तु जिल्लामा इन्धनको अभावले सबै क्षेत्रमा महँगी बढेको छ । जसले गर्दा सर्वसाधारण नागरिक मर्कामा परेका छन् । इन्धन अभाव हुँदा सबैभन्दा बढी किसान परेका छन् ।
खेत जोत्न र धान रोप्ना किसानहरुले महँगो रकम बुझाउन परेको छ । इन्धन अभाव भन्दै ट्याक्टरले महँगोमा खेत जोत्ने गरेको छ । खेत बाँझै राख्नुभन्दा ऋण गरेर भएपनि किसानले खेत जोतेका छन् । ट्याक्टरहरुले मनपरि भाडा लिने गर्दा किसानहरु थप मारमा परेका हुन् । ट्याक्टरले गत वर्ष २५÷३० रूपैयाँ प्रतिमिनेट जोत्ने गरे पनि यस वर्ष प्रतिमिनेट ४० रूपैयाँमा जोतेका छन् । पेट्रोल पम्पमा आएको डिजल लाइनमा बसेर भरे पनि उनीहरुले घण्टौँ लाइनमा कुर्नु परेको र पर्याप्त तेल नपाउँदा महँगोमा तेल किन्नु परेको भन्दै जोताइ खर्च बढाइएको छ ।त्यसैगरी इन्धन अभावले मल ढुवानी हुन नसकेपछि एग्रोभेटमा अवैध रुपमा ल्याइएका युरिया मल कपिलवस्तुका किसानले प्रतिकिलो ग्राम ७० रूपैयाँसम्ममा खरिद गर्न बाध्य भएका छन् । जबकि अहिले मलको बजार मूल्य प्रतिकिलो ३५ रूपैयाँ रहेको छ ।त्यस्तै, किसानहरुले यतिबेला धान रोपने सिजन भएकाले पनि महँगो शुल्क तिरनु परेको छ । गतवर्ष प्र्रतिघण्टा १५सयदेखि १८ सयसम्ममा किसानहरुले अहिले प्रतिघण्टा २० सयदेखि २५ सयसम्ममा खेत जोत्ने गरेका छन् । महँगोमा खेत जोताउने, मल पनि महँगोमा तिर्ने र बीउ पनि महँगोमा किन्नु परेकोले किसानहरुले यस वर्ष खेती गरेर आम्दानीभन्दा खर्च बढी हुने भन्दै चिन्तित भएका छन् ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

9847845918

Copyright © 2015-2020 AbcSanchar.com