रमेश गिरी,९ असार/ प्युठान
प्युठानमा एक दिने निशुल्क स्वास्थ्य शिविर सम्पन्न भएको छ ।
प्युठान नगरपालिकाको आयोजना तथा सिद्धबाबा सुपर स्पेशलिष्ट इन्टरनेशनल हस्पिटल एण्ड रिसर्च सेन्टर प्रा. लि.बुटवलको प्राबिधिक सहयोगमा शिविर संचालन गरिएको हो । स्वर्गद्धारी बहुमुखी क्याम्पस पुर्णयखोलामा संचालीत नि:शुल्क स्वास्थ्य शिविरको उद्धघाटन प्रदेश सभा सदस्य कृष्णध्वज खड्काकाे स्वस्थ्य परिक्षण गरि उदघाटन गरिएकाे थियो ।
स्वस्थ्य शिविरमा मुटु रोग, दम छाती तथा फोक्सो सम्बन्धि रोग, स्त्री तथा प्रसुती रोग, फिजिसियन, रेडियोलोजि, मस्तिस्क तथा स्नायु सम्बन्धि रोगहरूकाे स्वास्थ्य परिक्षण गरिने अायाेजकले जनाएकाे छ ।
प्युठान नगरपालिका क्षेत्र भित्र रहेका विभिन्न राेगका विरामीहरूलाई अाफ्नै नगर भित्र विशेषज्ञ सेवा शिविरका माध्यमबाट उपलब्ध गराउने प्रयास गरेकाे नगर प्रमुख अर्जुन कुमार कक्षपतीले बताउनु भएकाे छ । स्वर्गद्धारी बहुमुखी क्याम्पस पुण्यखाेलामा अाज विहान देखि स्वास्थ्य परिक्षण सुरू भएकाे छ । उक्त शिविरमा प्युठान जिल्लाका धेरै स्थानबाट रोगीहरू बिशेषज्ञ डाक्टरद्वारा उपचार गराउन घुईचो लागेको थियो ।
