ABC (क्राईमबिट)
दाङ । लमही बजार सडक छेउमा पार्किङ गरेर राखिएको आधादर्जन गाडी माथि अज्ञात समुहले गए राति तोडफोड गरेको छ ।लमही बजारको गोरक्षटोलमा आ-आफ्नो घर अगाडि पार्किङ गरेर राखेका गाडीहरुमा अज्ञात समुहले ढुंगा र इट्टाको प्रयोग गरि सिसा तोडफोड गरि क्षति पुर्याका छन् । यसरी तोडफोड गर्दा एउटा कार दुईवटा पिकअप,एउटा मिनिट्र्क र दुईवटा बसका अगाडि पछाडीका र झ्यालका सिसामा क्षति भएको हो । त्यस्तै तोडफोड हुने गाडीमा भे१च २८१२ को खनाल स्टोरको पिकअप, रा१ख १७४९ को हाम्रो राम्रो डेकोरको गाडी, नेपाल भारत मैत्री बस सेवा लेखेको जैसवाल फलफूलको बस र लु१ख ९१४९ को दिलिप जीसीको बसमा क्षति भएको छ ।यसैगरी लमही रातो डाँडाडामा प्रदेश ३-०१ ०२२ च २९७२ नम्बरको मिलन पाण्डेको कार, भे १ च २७२७ नम्बरको आशिष न्यौपानेको पिकअपका पनि अगाडिका सीसा फोडि क्षति पुर्याएका छन् । शुक्रबार राती पार्किङ गरेर राखेका गाडीहरुमा तोडफोड गरि पश्चिम तर्फ लागेका र तोडफोड गर्ने ब्यक्ति रातीमा चिन्न नसकेको स्थानीय प्रत्यक्ष दर्सीले जानकारी दिएका छन् ।यस्तै गाडी तोडफोडको घटनामा केहि फुटेजहरु सिसि क्यामरा देखिएका र अनुसन्धान गरि दोषीलाई कानुनी दायरामा ल्याई कार्वाही गरिने वडा प्रहरी कार्यालय लमहीले जानकारी दिएको छ ।
