(ABC-Sanchar)
दाङ । लुम्बिनी प्रदेशका ग्रामीण तथा शहरी विकास मन्त्री डिल्ली बहादुर चौधरीले दाङको मौरिघाट स्थित मन्त्रालय पुगेर औपचारिक रुपमा पदभार ग्रहण गरेका छन ।
पदभार ग्रहण गर्दै नवनियुक्त मन्त्री चौधरीले ब्यवस्थित राजधानी निर्माणका लागि प्लानिङ्ग गर्ने बताए । उनले सबै मन्त्रालय छिट्टै स्थायी राजधानी सार्ने तयारी भइरहेको बताए । पर्यटनलाई रोजगार सङ्ग जोड्ने कामहरु आफ्नो पहिलो प्राथमिकता रहेको उनले बताए ।
`अर्को कुरा देशमा अहिले कोभिड तिब्र गतिमा फैलिरहेको छ, यो रोग बाट हामी सबै बाच्नु पर्छ बचाउनु पर्छ, सबै कार्यकर्तालाई सजग र सचेत रहन आग्रह गर्दछु ।´ मन्त्री चौधरीले भने ।
पदभार ग्रहण गर्नु अघि मन्त्री चौधरीले मौरिघाट चोकमा पुगेर शहिद श्रीनारायण चौधरीको शालिकमा मालर्याल्पण गरेका थिए। मन्त्री भएर चौधरी गृह जिल्ला आएका चौधरीलाई भेट्न नेता तथा कार्यकर्ताको घुइंचो लागेको थियो ।
