जनकपुर । धामस्थित राजदेवी मन्दिर छेउमा गाडीमा अटोरिक्सा छोएको विषयलाई लिएर एक भारतीय नागरिकले रिक्सा चालकलाई गालीगलौज गर्दै कुटपिट गरेको घटना सार्वजनिक भएको छ। सार्वजनिक स्थानमा भएको कुटपिटप्रति स्थानीय तथा प्रत्यक्षदर्शीले आपत्ति जनाएका छन्। गाडीमा क्षति पुगेको भए त्यसबारे प्रहरी प्रशासनमा उजुरी गरी कानुनी प्रक्रिया अघि बढाउन सकिने भए पनि आफैं कानून हातमा लिएर सार्वजनिक स्थलमा कुटपिट गर्नु उचित नभएको भन्दै घटनामा संलग्न व्यक्तिलाई तत्काल नियन्त्रणमा लिएर आवश्यक अनुसन्धान तथा कारबाही गर्न प्रहरीसँग माग गरिएको छ। प्रत्यक्षदर्शीका अनुसार कुटपिट गर्ने व्यक्तिमाथि पनि केही कुटपिट भएको बताइएको छ।
