राप्ती प्रादेशिक अस्पतालले बुधबार देखि नियमित स्वास्थ्य सेवा दिने

एबिसी संचार
दाङ । राप्ती प्रादेशिक अस्पताल तुलसीपुरले बुधबार देखि अस्पतालबाट नियमित स्वास्थ्य सेवा दिने भएको छ । गएको शनिबार राप्ती प्रादेशिक अस्पताल तुलसीपुरका मेडिकल सुपरिटेण्डेन्ट बिनोद सिंहलाई सर्जन परियार सहितको ६ जनाको समुहले कार्यकक्ष मै कालोमोसो दले पछि अस्पतालले अत्यावसेक बाहेकका सबै सेवा बन्द गरेको थियो ।

अहिले दोषीहरुलाई पक्राउ गरी कानूनी प्रक्रिया अगाडी बढेको आधिकारीक जानकारी आएकाले बुधबार देखि नियमित स्वास्थ्य सेवा प्रदान गरिने अस्पताल विकास समितिका अध्यक्ष पदम प्रसाद न्यौपानेद्धारा हस्ताक्षरित विज्ञेप्तीमा भनिएको छ ।