ABC (क्राईमबिट)
काठमाडौं । औरही बजारबाट प्रहरीले नेपाली नक्कली नोटसहित दुई भारतीय नागरिकलाई पक्राउ गरेको छ । पक्राउ पर्नेमा बिहारको सीतामढी जिल्लास्थित परिहार ग्रामपञ्चायत वडा नं.१३ बस्ने शंकर रायका छोरा २२ वर्षीय पिन्टु कुमार र सोही ठाउँ बस्ने रामदयाल सिंहका छोरा १२ वर्षीय रितेश कुमार रहेको महोत्तरीे जिल्ला प्रहरी कार्यालयका प्रहरी नायब उपरीक्षक प्रकाश विष्टले बताए ।
गए राति ८ बजे औरही बजारमा फलफूल किन्दै गर्दा पक्राउ परेका उनीहरुको साथबाट १ हजार रुपैयाँका २२ थान, ५ सय रुपैयाँको तीन थान, १ सय रुपैयाँको २७ थान, ५० रुपैयाँको ६ थान, २० रुपैयाँको ८ थान, १० रुपैयाँको ११ थान, ५ रुपैयाँको ६ थान र भारु १ सयको तीन थान नोट बरामद गरेको थियो ।पक्राउ परेका दुवै जनालाई अनुसन्धानका लागि शनिबारबिहान जिल्ला प्रहरी कार्यालयमा ल्याइएको छ ।