(ABC-Sanchar)
दाङ । तुलसीपुरका सर्वसाधारणबाट झन्डै साढे ६९ लाख रकम ठगेर सम्पर्क बिहीन भएका छन् । तुलसीपुर उपमहानगरपालिका वडा नं. ६ डुम्रीगाउँमा गत बर्षफारवेष्ट एग्रिकल्चर सोलुशन एण्ड टे«डिङ नामक कम्पनी खोलिएको थियो । जसको प्रबन्धक सुगम देउवा नाम बताउने मानबहादुर देउवा थिए । डोटीका तीनै देउवाले कम्पनीका संयोजक सुरेश घलेको सहयोगमा लाखौं रकम ठगेर सम्पर्क बिहीन बनेका छन् ।
‘तुलसीपुरका किसान र सर्वसाधारणबाट लाखौं रकम ठेगेर उनीहरु गत बर्ष माघदेखि सम्पर्क बिहीन रहँदै आएका छन्,’ एक जना पीडित महिलाले भनिन् ‘तुलसीपुरको डुम्रीगाउँस्थित कार्यालय नखुलेको महिनौं भयो ।’
कम्पनीका प्रबन्धक र संयोजक नै सम्पर्क बिहीन बनेपछि पीडितहरु मिलेर स्थानीय प्रहरी प्रशानसनमा दोषीलाई झिकाई कानुीका कारबाही गर्न भन्दै जाहेरी दिएका छन् ।
उनीहरुले कम्पनीको नामबाट समुह बनाएर रकम संकलन गर्नका लागि भन्दै ४२ जना कर्मचारी राखेका थिए । दाङ जिल्लाका पाँचवटा पालिकाहरुलाई आधार बनाएर कम्पनीले काम गर्दै आएको थियो ।
तुलसीपुर र घोराही उपमहानगरपालिकासहित दंगीशरण, शान्तिनगर र बबई गाउँपालिकाकामा समुह गठन गरिएको थियो । त्यहाँका किसानदेखि सर्बसाधारण सबैलाई सदस्य बनाइएको थियो । ती सबैबाट रकम संकलन गरी झन्डै साढे ६९ लाख रकम लगेर कम्पनीका सञ्चालक गत बर्ष माघदेखि सम्पर्क बिहीन रहेको हुँदा आँफूहरु तनाबमा रहेको एक जना पीडित महिलाले बताइन । ‘मेरो ब्यक्तिगत झन्डै ४५ हजार बढी रकम फस्यो,’ उनले भनिन् ‘ म जस्ता अरु धेरै सर्वसाधारणहरु ठगिएका छन् ।’
कम्पनीले एक हजार तीन सय कृषकबाट प्रति कृषक पाँच सयका दरले संकलन रकम संकलन गरेको थियो । त्यसरी संकलन भएको रकम ६ लाख ६५ हजार, कर्मचारीको बिमा बाफतको रकम नौं लाख पाँच हजार र कर्मचारीको तलव ५३ लाख ७७ हजार आठ सय समेत गरि कुल ६९ लाख ४७ हजार आठ सय रकम ठगेर कम्पनीका सञ्चालक सम्पर्क बिहीन बनेको पीडितले बताएका छन् ।
बिमा बनाइदिने प्रलोभनमा पारेर सर्वसाधारणबाट पैंशा अशुलेको भएपनि कसैको पनि बिमा उनीहरु नबाएर पैंशा आँफै कुम्ल्याएर प्रबन्धक र संयोजक फरार रहेको पीडितले बताएका छन् ।
कम्पनीकै तीन जना ब्यबस्थापकहरु पार्वती केसी, माया बोहोरा र अनिता वलीले स्थानीय प्रशानमा दिएको जाहेरीमा किसान र सर्वसाधारणको लाखौं रकम हिनामिना गर्नेहरुलाई झिकाएर आवश्यक कानुनी कारबाहीको माग गरेका छन् ।
यी तीन जना ब्यबस्थापक मिलेर स्थानीय प्रशासनमा असोज ४ गते जाहेरी दिएका थिए ।
जाहेरीमा लाखौं रकम हिनामिना गरि कम्पनीका प्रबन्धक प्रबन्धकमा मानबहादुर देउवा र संयोजकमा सुरेश घले २०७७ माघ महिनादेखि सम्पर्क बिहीन रहेको उल्लेख रहेको छ ।
देउवा र उनको समुहले यही कम्पनीको नाममा सुदूरपश्चिमको दार्चुला, कञ्चनपुर, कैलाली, डोटी र डडेल्धुरा त्यसैगरि ठगी गरेको पाइएको छ ।
यो समुहले बर्दिया, दाङ, काभ्रे र नुवाकोट जिल्लामा समेत गरि ९ जिल्लाका सर्वसाधारणबाट लाखौं रकम ठगेको भन्ने सूचना प्राप्त भएको प्रहरी प्रशासनले बताएको छ ।
