(सर्मिला बोगटी)
धनगढी । कञ्चनपुर सीमा नाकाबाट सशस्त्र प्रहरीले अबैध रुपमा नेपाल भित्र्याउदै गरेको बेवारिसे सामान बरामद गरेको छ। प्रहरीको सीमा गस्ती टोलीले भारतबाट अबैध रुपमा नेपाल भित्र्याइएको १ लाख ८५ हजार ७ सय ५१ रुपैयाँ बराबरको सामान बरामद गरको हो ।
बरामद गरिएको सामानहरुमा हार्डवेयर तथा खाद्य, ईलेक्ट्रिक, औषधिहरु, मिठाई, पेन्ट, बिउबिजन लगायत प्रतिबन्धित माछा रहेको सशस्त्र प्रहरी बल नेपाल नम्बर ३५ हेड क्वाटर शैलेश्वरीले जनाएको छ।
बरामद गरिएको सामान आवश्यक कारवाहीका लागि कञ्चनपुर भन्सार कार्यालय गड्डाचौकी तथा त्रिनगर भन्सार कार्यालय कैलालीमा बुझाईएको सशस्त्र प्रहरीले जनाएको छ।
