(रवि वर्णवाल)
बारा । कलैया उपमहानगरपालिका वडा नं. २१ बस्ने वर्ष ३८ को जाहिर अन्सारीले बारा घर भई उच्च शिक्षाको लागि बीरगञ्जमा डेरा लिई बस्दै आएकी १९ वर्षीया युवतीलाई विकास यादव भनी परिचय ढाँटी आफू अविवाहित रहेको भनी झुक्याई प्रेम सम्बन्ध गाँसी विवाह गर्ने प्रलोभन समेत देखाई २ वर्षदेखि बीरगञ्ज नगरका विभिन्न स्थानमा पटकपटक करणी गरेको, सो क्रममा निजले आफ्नो मोबाइलले अश्लील फोटो र भिडियो खिचेको, यस क्रममा निजले मिति २०७८।०६।२७ गते राति २२.०० बजे पीडित एक्लै भएको मौका छोपी पीडितको डेराकोठामा गई अश्लील फोटो र भिडियो सार्वजनिक गरी भाइरल गरिदिने भनी डरत्रास देखाई अनुचित दबाबमा पारी जबरजस्ती करणी गरेको भन्ने समेत व्यहोराको पीडितले दिएको मिति २०७८।०७।११ गतेको जाहेरी दरखास्तको आधारमा यस कार्यालयबाट खटिएको टोलीले सोही दिन १७.०० बजे बीरगञ्ज महानगरपालिका वडा नं.०८ स्थित भारतीय कन्सुलर कार्यालय अगाडिबाट निज जाहिर अन्सारीलाई नियन्त्रणमा लिई जबरजस्ती करणी सम्बन्धी कसूरमा सम्मानित पर्सा जिल्ला अदालतबाट दिन ७ म्याद थप गरी अनुसन्धान भइरहेको व्यहोरा जिल्ला प्रहरी कार्यालय पर्सा का नायव उपरीक्षक ओमप्रकाश खनाल ले जानकारी गराए का हुन।
निम्न:-
पक्राउ विवरण:
१)अभियुक्त:- जाहिर अन्सारी
उमेर:- ३८ वर्ष
ठेगाना:- जि.बारा कलैया उ.म.न.पा. वडा नं. २१
पक्राउ मिति:- २०७८।०७।११ गते ।
मुद्दा:- करणी सम्बन्धी कसूर ।
