(महेन्द्र सिंह)
बाँके । ईलाका प्रहरी कार्यालय जमुनाहको सेटिङ्गमा ठूलो परिमाणमा नेपालमा प्रतिबन्धित पटका जन्य बस्तुहरु तस्करीको सेटिङ्गमा भारतबाट लुकिछिपी नेपालमा भित्रिएको छ । २ लाख मूल्य बराबरको पटका जन्य बस्तु जिल्ला प्रहरी कार्यालय बाँकेले पक्राउ गरेको छ ।
पक्राउ गरिएको लाखौं मुल्यको पटका मंगलबार जिल्ला प्रहरी कार्यालय बाँकेमा नष्ट गरिएको छ ।
जिल्ला प्रहरी कार्यालय बाँकेका प्रहरी प्रबक्ता डिएसपी मधुसुदन न्यौपानेले मंगलबार पत्रकारको उपस्थितिमा उक्त पटका जन्य बस्तु नष्ट गरिएको थियो । दिपावली सुरु भएसँगै भारतबाट प्रतिबन्धित पटकाजन्य विस्फोटक पदार्थहरु जमुनाह सइ मीन बहादुर बिष्टको सेटिङ्गमा नेपाल भित्र्याउने गरिएको छ । 
भारत रुपैडियाका ब्यापारी साजिद खातुन पवन गुप्ता पटका क्यारिङ्ग गर्ने सन्तोष शर्माका अनुसार ईलाका प्रहरी कार्यालय जमुनाहका इन्चार्ज मीनबहादुर विष्ट संगको सेटिङ्गमा जमुनाह प्रहरीले पटका जन्य नेपालमा भित्र्याउने गरेको बताए । यता बाँके प्रहरीको कमाण्डमा २ लाख भन्दा धेरै पटका पक्राउ गरिएको छ । 
दिपवलीमा मनोरञ्जनको नाममा पटका पटकाउने र आतासवाजी गर्ने गरिन्छ । तर यसलाई नेपाल सरकारले प्रतिबन्ध गरेको छ । तर पनि बजारमा जमुनाह सइ बिष्टको सेटिङ्गमा पटकाहरु नेपालमा व्यापक भित्रिएर पट्काउने क्रम सुरु भइसकेको छ ।
