(ABC-Sanchar)
कपिलवस्तु । नेपाली काँग्रेसको गत बुधबार सम्पन्न कपिलवस्तु क्षेत्र नं ३ को अधिवेशनबाट अत्याधिक मत ल्याई महाधिवेशन प्रतिनिधिमा विजयी भएका उद्योगी जमशेर अलि मियाँलाई उद्योगीहरुले सम्मान गरेका छन् । कपिलवस्तुमा रहेका सिमेन्ट उद्योगका सन्चालकहरुले चन्द्रौटा उद्योग बाणिज्य सघंका अध्यक्ष तथा सिमेन्ट उद्योगी ब्यावसायी कपिलवस्तुका अध्यक्ष समेत रहेका मियालाई सम्मान गरेका हुन् । नेपाली काँग्रेसको क्षेत्रीय अधिबेशनबाट निर्वाचित मियालाई उद्योगीहरुको उद्योगको हकहितमा कार्य गर्न अनुरोध गरेका थिए । 
नेपाल उद्योग बाणिज्य महासघंका केन्द्रिय सदस्यीय तथा अटल सिमेन्ट उद्योगका सन्चालक जमशेर अलि मियालाई नेपाली काँग्रेसको प्रदेश समितिमा उम्मेदवारी दिन उद्योगीहरुले सुझाव दिएका थिए । पशुपति सिमेन्टका गोविन्द अग्रवाल, एमजेपी सिमेन्ट उद्योगका रवि ढकाल, शुभलक्ष्मी सिमेन्ट उद्योगका अजित अधिकारी, भुगर्भ सिमेन्ट उद्योगका राजाराम तिवारी, महाशक्ति सिमेन्टका केशब बर्तौला लगायतका उद्योगीहरुले मियालाई सम्मान गरेका थिए । 
