(ABC-Sanchar)
चितवन । चितवनमा जारी नेकपा एमालेको दशौं महाधिवेशनमा रातभर चलेको बन्दसत्रमा केपी शर्मा ओलीले पदाधिकारीको टिम सार्वजनिक गरेका छन् । आइतवार राति अबेर शुरु भएको बन्दसत्रमा ओलीले ३०१ जना केन्द्रीय सदस्य प्रस्ताव गरेका थिए ।
जसमा दाङबाट एमालेको केन्द्रीय कमिटिमा उपाध्यक्ष, महासचिव र केन्द्रीय सदस्यमा नौं जना परेका छन् । सर्वसहमतीका लागि पेश गरिएको केन्द्रीय कमिटिको सूचिमा पार्टीको उपाध्यक्षमा युवराज ज्ञवाली, महासचिवमा शंकर पोख्रेल र केन्द्रीय सदस्यमा नरुलाल चौधरी, सुजिता शाक्य, मेनका पोख्रेल, शान्ता चौधरी, घनश्याम पाण्डे, कोमल वली, गंगा चौधरी, सीता सिग्देल न्यौपाने र साजिदा सिद्धिकीको नाम परेको छ । यद्यपी महाधिवेसनले औपचारिक रुपमा अनुमोदन गरी घोषणा गर्न बाँकी छ । तस्बिर पहिलो पेजबाट
