ABC (क्राईमबिट)
काठमाडौं । नेपाल प्रहरीमा लगभग ३० बर्षको गौरवशाली एवं चुनौतीपुर्ण सेवा अबधि देश र जनताको सेवा र सुरक्षामा समर्पित भई प्रहरी नियामवली, २०७१ (संशोधन सहित) को नियम १२७ को (१-क-५) बमोजिम सेवा निवृत्त हुनु भएका यस प्रतिष्ठानमा कार्यरत प्रहरी निरीक्षक ज्योति कमल गुरुङज्यूलाई २०७८ मंसिर १५ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक निरज बहादुर शाहीज्यूको प्रमुख आतिथ्यतामा एक समारोहका बीच बिदाई गरियो ।
प्रमुख अतिथिज्यूले सेवा निवृत्त भई जान लाग्नु भएका प्रहरी निरीक्षक ज्योति कमल गुरुङज्यूलाई प्रतिष्ठानको तर्फबाट मायाको चिनो प्रदान गर्दै आफ्नो जिवनको उर्जाशील र उर्वरशील समय पवित्र संगठन प्रति समर्पित भई पुर्याउनु भएको योगदानको उच्च कदर गरी वहांको प्रतिष्ठान तथा नेपाल प्रहरी प्रतिको योगदानको स्मरण गर्दै आगामी अवकाश पछिको पारिवारिक एवम सामाजिक जिवन सुखमय होस भनि शुभकामना व्यक्त गर्नु भयो । साथै, राष्ट्रिय प्रहरी प्रशिक्षण प्रतिष्ठानको तर्फबाट र सिंगो संगठनको तर्फबाट हार्दिक आभार समेत प्रकट गर्नु भयो । 
कार्यक्रममा सेवा निवृत्त भई जान लाग्नु भएका प्रहरी निरीक्षक ज्योति कमल गुरुङज्यूले लगभग ३० बर्षे सेवामा रहँदाको आफ्नो अनुभव सहितको मन्तव्य व्यक्त गर्दै राष्ट्रि य प्रहरी प्रशिक्षण प्रतिष्ठानका कार्यकारी निर्देशक तथा प्रतिष्ठान परिवारलाई धन्यवाद दिनु भयो ।
