ABC (क्राईमबिट)
काठमाडौं । युट्युब च्यानल मार्फत अश्लील शीर्षक राखेर अश्लिलता झल्कने भिडियो प्रसारण गर्ने एक जनालाई साइबर ब्यूरोले पक्राउ गरेका छन् ।
पक्राउ पर्नेमा कालीकोट पचाल झरना गाउँपालिका-९ घर भई हाल बुढानिलकण्ठ नगरपालिका-४ बस्ने २१ वर्षीय भरत बहादुर तिरुवा रहेका छन् ।
तिरुवाले टेन्सन ब्रो नामक युट्युब च्यानल सञ्चालन गरी उक्त च्यानल मार्फत अश्लील शीर्षक राखी समाजमा अश्लिलता फैलाउने किसिमका भिडियोहरु बनाई युट्युब लगायत सामाजिक सञ्जालमा प्रसारण गरी गरेका थिए । 
उनलाई विद्युतीय कारोबार ऐन, २०६३ अन्तर्गतको कसुर अन्तर्गत काठमाडौं जिल्ला अदालतबाट पक्राउ अनुमति लिई शुक्रबार पक्राउ गरेको ब्यूरोका प्रहरी वरिष्ठ उपरीक्षक तथा प्रवक्ता नविन्द अर्यालले बताउनु भयो । उनीमाथि काठमाडौं जिल्ला अदालतबाट ५ दिन म्याद थप गरी अनुसन्धान भैरहेको छ ।
यस्तै, पोखराको मणिपाल अस्पतालमा डाक्टरलाई ठगी गर्ने भारतीय नागरिकलाई प्रहरीले पक्राउ गरेको छ। अस्पतालमा साझेदारी मिलाइदिने भन्दै डाक्टरबाट ५० लाख ठगी गर्ने शिवम विरुमुथु पुर्पक्षका लागि जेल चलान गरिएको प्रहरीले जनाएको छ ।
विरुमुथुले रेडक्रसको अन्तरराष्ट्रिय कमिटिको निर्देशक भएको भन्दै अस्पतालमा साझेदारी (पार्टनरसिप) मिलाइदिने भन्दै सो रकम ठगी गरेका थिए । उनले अर्का एक व्यक्तिलाई पनि मलेसियन योङ निर्देशक बनाइदिने भन्दै ३९ लाख ठगी गरेको प्रहरीले जानकारी दिएको छ ।
भारत घर भएका विरुमुथुले मणिपाल अस्पताल खरिद गर्ने भारतीय शेयर होल्डरसँग कुराकानी भई सम्झौताका लागि मस्यौदा समेत तयार भएको भनेर नक्कली कागजात बनाएर धेरै व्यक्तिहरुलाई ठगेको थिए । साइबर ब्युरो
