ABC (क्राईमबिट)
बाँके । नेपालगञ्जमा क्याम्सका सुरक्षा गार्डको कुटाइबाट एक युवा मृत्यु भएको छ। नेपालगन्ज उपमहानगरपालिका वडा नं.१७ का २२ वर्षीय राजु भनिने नन्कु पासीको मृत्यु भएको हो ।
राजुलाई पुष १० गते दिउँसो नेपालगन्ज महेन्द्र बहुमुखि क्याम्पसका सुरक्षा गार्ड राजकुमार श्रेष्ठले कुटपिट गरेका थिए । गार्डले मुक्का र बुटले जथाभावी हिर्काएको मृतकका आफन्तहरुले प्रहरीलाई बताएका छन ।
क्याम्पस कम्पाउण्डभित्र राजुले घासपात काटिरहेको देखेपछि क्याम्पसको सुरक्षार्थ खटिएका गार्डले कुटपिट गरेका थिए । त्यसपछि राजु आफ्नो घर गएका थिए । त्यसैरात राजुको स्वास्थयमा समस्या भएपछि आइतबार भेरी अस्पतालमा ल्याइएको थियो । भेरीका चिकित्सकहरुले पेटमा रक्तश्राव भएको भन्दै नेपालगन्ज मेडिकल कलेजमा रिफर गर्यो । उनको मेडिकल कलेजमै उपचारका क्रममा मृत्यु भएको हो ।
कुटपिट गर्ने राजापुर नगरपालिका वडा नं.४ बर्दियाका ४९ वर्षीय गार्ड श्रेष्ठलाई प्रहरीले नियन्त्रणमा लिएर अनुसन्धान सुरु गरिसकेको बाँकेका एसपी श्यामकृष्ण अधिकारीले जानकारी दिनुभयो ।
पोष्टमार्टमको रिपोर्ट आएपछि मृत्युको कारण पत्ता लाग्ने एसपी अधिकारीले बताए।
