(महेन्द्र सिंह)
बाँके । सुर्खेतको बिरेन्द्रनगर नगरपालिका वडा नंवर २ निवासी प्रेम नेपालीका ११ वर्षिय छोरा (बालकको गोपनीयता संरक्षण हेतु नाम परिवर्तन गरिएको) परिवर्तित नाम सुबर्ण नेपालीलाई नेपालगन्जबाट प्रहरीले उद्धार गरेको हो ।
नेपालगन्ज उपमहानगरपालिका वडा नंवर-१५ जमुनाहबाट बेवारीसे अवस्थामा फेला परेका परिवर्तित नाम बालक सुबर्ण नेपालीलाई ईलाका प्रहरी कार्यालय जमुनाहबाट खटेको प्रहरी टोलीले उद्धार गरेको हो ।
ईलाका प्रहरी कार्यालय जमुनाहबाट प्रहरी नायव निरीक्षक मीन बहादुर बिष्टको नेत्रित्वमा खटिएको प्रहरी टोलीले जाडोमा काठयांग्रिएका बेवारीसे अवस्थामा फेला परेका बालकको उद्धार गरी आवश्यक सोधपुछ पश्चात बालककि काकि सरस्वती नेपालीलाई जिम्मा लगाएको बाँके प्रहरीले बताएको छ ।
११ वर्षिय परिवर्तित नाम बालक सुबर्ण नेपाली सुर्खेतबाट भागेर नेपालगन्ज आएको अनुसन्धानमा पुष्टि भएको प्रहरीले बताएको छ ।
