दाङ । घोराही सिस्ने खोलादेखि मुर्कुटी जाने सडक कालोपत्रे हुनुपर्ने माग राख्दै विगत पाँच दिनदेखि सो क्षेत्रमा सिमेन्ट उद्योगको खानेसम्म चल्ने टिप्पर रोकेर आन्दोलन गरिरहेका विभिन्न १२ वटा टोल विकास संस्थाका प्रतिनिधिहरु आफ्नो गुनासो सुनवाई गर्ने उद्देश्य सहित काठमाडौँ डेलिगेसन गएका छन् । डेलिगेसनमा गएको टोलीलाई विदाई गर्दै घोराही बनाउँ अभियानका संयोजक सविन प्रियासनले सो सडक क्षेत्रमा विभिन्न कानुनी सँगै बजेटको समस्या रहेकाले यसको निराकरण गर्न डेलिगेसन टोली सफल हुने बताउँदै आफूले पनि सरोकारवाला निकायसँग फोनबाटै सहजीकरण गरिदिने प्रतिबद्धता व्यक्त गर्नुभयो ।
