(महेन्द्र सिंह)
बाँके । नेपालगन्ज पुष २३ गतेसम्मका लागि उपमहानगरपालिका भित्रका बालविकास र १ देखि ५ कक्षा सम्मको पढाई बन्द गर्ने निर्णय गरिएको नेपालगञ्ज उपमहानगरपालिकाको शिक्षा महाशाखाका शाखा अधिकृत लोकेन्द्र बहादुर शाहीले बताए । आज बसेको शिक्षा समितिको बैठकले उक्त निर्णय गरेको उनले बताए ।
उनले बढ्दो चिसोको जोखिमलाई मध्यनजर गर्दै तल्लो तहमा अध्ययनरत साना बालबालिकाहरुको स्वास्थ्यलाई ध्यानमा राखी बाल विकास र कक्षा १ देखि ५ सम्मको कक्षा सञ्चालन बन्द गरिएको बताए । उता खजुरा गाउँपालिकामा पनि तीन दिनका लागि सम्पूर्ण विद्यालय बन्द गरिएको छ । यस्तै नरैनापुरका विद्यालय पनि २१ गतेदेखि तीन दिन बन्द गर्ने निर्णय गरिएको शिक्षा शाखा प्रमुख कृष्ण कुमार थारुले बताए ।
