ABC (क्राईमबिट)
बाँके । सशस्त्र प्रहरी बल नम्बर ३० गण बागेश्वरी बाँकेबाट खटिएको सशस्त्र प्रहरी टोलीले नेपालगञ्ज १५ पिप्रहवा सीमा नाकाबाट डेढ क्विन्टल माछा तस्करीमा प्रयोग 
भएको एउटा भारतीय नम्बर प्लेटको मोटरसाइकल पक्राउ गरेको छ । पक्राउ गरिएको ३७ हजार ५ सय रुपैयाँ मूल्य बराबरको माछा क्वारेन्टाइन कार्यालय बुझाई नष्ट गरिएको र ५० हजार रुपैयाँ बराबरको भारतीय नम्बरको मोटरसाइकललाई नेपालगन्ज भन्सार कार्यालय बुझाइएको सशस्त्र प्रहरी बाँकेले जानकारी दिएको छ । 
सशस्त्र प्रहरीले नेपालगञ्ज १६ जयसपुर हुँदै भारतबाट लुकिछिपी ल्याउँदै गरिएका ६० हजार रुपैयाँ बराबरका व्याटी र ७० हजार रुपैयाँ बराबरको एउटा अटो रिक्सा बरामद गरेको छ । उता सशस्त्र प्रहरीले जानकी गाउँपालिका १ बाट डेढ क्विन्टल कुखुरा र कुखुरा तस्करीमा प्रयोग गरिएका ९ वटा साइकल समेत बरामद गरेको सशस्त्र प्रहरी बाँकेले जानकारी दिएको छ । साइकललाई नेपालगन्ज भन्सार कार्यालय बुझाइने प्रक्रियामा रहेको छ ।सशस्त्र प्रहरीको कालाबन्जार बिओपीले भारतबाट ल्याइएका ५४ हजार रुपैयाँ बराबरका अवैध किराना सामग्री बरामद गरी नेपालगञ्ज भन्सार बुझाएको छ ।
