ABC (क्राईमबिट)
दाङ । तुलसीपुरमा आगलागी हुँदा एउटा भैंसी र ४ सय २० चल्ला जलेर मरेका छन् ।
तुलसीपुर उपमहानगरपालिका वडा नं. ३ सितल चौतारा टोल शिब खोलाका ३३ बर्षीय विनय गिरीको भैंसी गोठ र कुखुरा पाल्ने टहरोमा आगो लागेको थियो ।
मंगलबार बेलुका ६ बजेतिर लागेको आगोबाट गिरीले पालेको एउटा भैंसी र ब्रोइलर कुखुराको हप्ता दिनका ४ सय २० चल्ला जलेर मरेको इलाका प्रहरी कार्यालय तुलसीपुरका प्रमुख डिएसपी श्यामु अर्यालले बताए ।
आगो लागिबाट भैंसी र चल्ला जल्दा दुई लाख बराबरको क्षति भएको प्रहरीले जनाएको छ । स्थानीयको प्रयास पछि आगो ७ बजेतिर नियन्त्रणमा आएको थियो । आगो लागिको कारण थाहाँ हुन नसकेको प्रहरीले जनाएको छ ।
