(ABC-Sanchar)
जनकपुरधाम । बाराको कोल्हवी नगरपालिका ११ का वडासचिव विनोदप्रसाद साहलाई अख्तियारको टोलीले घुस लिँदालिँदै पक्राउ गरेको छ ।
सेवाग्राहीबाट साढे ३ हजार रुपैयाँ घुस लिइरहेको अवस्थामा वडासचिव साहलाई अख्तियार दुरुपयोग अनुसन्धान आयोग, हेटौँडाको टोलीले पक्राउ गरेको हो ।
आयोगका अनुसार वडासचिव साहले जग्गा नामसारी सिफारिस गर्नका लागि सेवाग्राहीसँग घुस लिएका थिए ।
अख्तियारको टोलीले पक्राउ परेकै ठाउँमा जनप्रतिनिधिको रोहबरमा मुचुल्का तयार पारेर उनलाई हेटौँडा लगेको छ । वडासचिव साहमाथि थप अनुसन्धान भइरहेको अख्तियारका अधिकारीले बताएका छन् ।
