(महेन्द्र सिंह)
बाँके । वडा प्रहरी कार्यालय नेपालगन्जबाट प्रहरी निरीक्षक डिल्ली बहादुर खड्काको कमान्डमा गएको टोलीले आज बिहान जानकी गाउँपालिका २ नेवाजीगाउँ हुँदै अवैधरुपमा नेपालगन्ज भित्र्याइएका ३ सय वटा कुखुरा ( ५ क्विन्टल ) र तीन वटा मोटरसाइकल बरामद गरेको जिल्ला प्रहरी बाँकेले जानकारी दिएको छ ।
जिल्ला प्रहरी बाँकेका अनुसार बरामद गरिएका २ लाख ४० हजार रुपैयाँ बराबरका ३ सय कुखुरालाई आबश्यक कारबाहीका लागि पशु क्वारेनटाइन र कुखुरा तस्करीमा प्रयोग गरिएका भे.३ प. ५७२५, भे.२ प.२२०९ र ज. ४ प. १८२७ नम्बरका तीन वटा मोटरसाइकललाई नेपालगन्ज भन्सार कार्यालय बुझाइएको जिल्ला प्रहरी बाँकेले जनाएको छ ।
लामो समय वडा प्रहरी नेपालगन्जको इन्चार्जका रुपमा कार्य गर्दै आएका प्रहरी निरीक्षक खड्काले चोरी तस्करी नियन्त्रण लागायत नेपालगन्जको सुरक्षा व्यवस्था चुस्त बनाउँदै आएका छन् ।
