काठमाडौं । हत्या गर्ने योजना बनाएको आरोपमा प्रहरीले एक जनालाई पक्राउ गरेको छ । सर्लाहीको हरिवन नगरपालिका–९ का विश्वराज पोखरेल आपराधिक षड्यन्त्र रचेको अभियोगमा पक्राउ परेका हुन् ।
प्रहरीका अनुसार उनलाई म्याग्दीबाट नियन्त्रणमा लिइएको हो । जिल्ला प्रहरी कार्यालय सर्लाहीका अनुसार म्याग्दीको रघुगंगा गाउँपालिका–१ तिप्ल्याङबाट म्याग्दी प्रहरीसँग समन्वय गरी पोखरेललाई पक्राउ गरिएको हो । हरिवन ११ का अर्जुन रायमाझी भनिने सिद्धीबहादुर रायमाझीले गत पुस २१ गते पोखरेलविरुद्ध दरर्खास्त दिएका थिए । पोखरेलले आफ्नो ज्यान लिने षड्यन्त्र रचेको भन्दै रायमाझीले दरर्खास्त दिएका प्रहरीले जनाएको छ ।
सर्लाही प्रहरीका प्रवक्ता एवं डीएसपी माधवप्रसाद बुढाथोकीका अनुसार दरखास्त परेसँगै सर्लाही जिल्ला अदालतबाट पक्राउ अनुमति लिएर पोखरेललाई पक्राउ गरिएको हो । पक्राउपछि उनीमाथि थप अनुसन्धान प्रक्रिया अघि बढाइएको प्रहरीले जनाएको छ । साभर
