(एबिसि संचार ) । कतारबाट आएकै दिन परपुरुषसँग सम्बन्ध राखेको आरोप लगाउँदै श्रीमतीलाई हँसिया प्रहार गरेका एक जनालाई प्रहरीले पक्राउ गरेको छ ।
पक्राउ पर्नेमा बुटवल ११ का ३५ वर्षीय रामकमल कोइरी रहेका छन् ।
रोजगारीको सिलसिलामा कतार गएका उनी सोमबार साँझ ८ बजे घर फर्किएका थिए । घर आएपछि आफू नहुँदा परपुरुषसँग सम्बन्ध राखेको भन्दै श्रीमती ३३ वर्षीया लक्ष्मी विष्टलाई उनले हँसियाले आक्रमण गरेका थिए ।
आक्रमणबाट बचाउन जाँदा उनकी भाउजू शर्मिला विष्ट पनि घाइते भएकी छन् । घाइतेहरूको हात, खुट्टा, कम्मर, टाउकोलगायतमा चोट लागेको छ । गम्भीर घाइते भएका लक्ष्मी र शर्मिलाको बुटवलस्थित चौराहा अस्पतालमा उपचार भइरहेको छ ।
अभियुक्त कोइरीलाई प्रहरीले पक्राउ गरेको छ । उनीमाथि ज्यान मार्ने उद्योग अन्तर्गत मुद्दा दर्ता गरी अनुसन्धान प्रक्रिया थालेको इलाका प्रहरी कार्यालय बुटवलका डीएसपी ठग बहादुर केसीले जानकारी दिए ।
छिमेकी राधिका कँडेलका अनुसार कोइरीले लक्ष्मीसँग २०६५ सालमा प्रेम विवाह गरेका थिए । उनीहरूबिच विवाहपछि खटपट सुरु हुँदै आएको थियो । साभार
