ABC ( Sanchar) सशस्त्र प्रहरीले लागुऔषध ३० केजी गाँजा बरामद गरेको छ ।
नम्बर प्लेट नभएको गाडीको डिकीभित्र लुकाएर लैजाँदै गरेको अवस्थामा हिजो राति उक्त लागुऔषध बरामद गरिएको सशस्त्र प्रहरीले जनाएको छ । पर्साको वीरगञ्ज महानगरपालिका–२० स्थित हर्पतगञ्ज सडकखण्डमा मजकुर सशस्त्र प्रहरी बल, नेपाल २ छिन्नमस्ता बाहिनी मुख्यालय महोत्तरीको टोलीले लागुऔषध गाँजा बरामद गरेको हो ।
सशस्त्र प्रहरीका अनुसार टाटा इन्डिका गाडीको डिकीभित्र १६ केजी र १४ केजीको दुईवटा रातो प्लाष्टिकमा बेरिएको अवस्थामा गाँजा फेला परेकोे थियो । गाँजा बरामदपछि प्रहरीलाई जिम्मा लगाइएको सशस्त्र प्रहरीले जनाएको छ । रासस
