(ABC=SANCHAR)
बाँके । नरैनापुर गाउँपालिकामा आगलागीबाट विस्थापित भएका १६ घर परिवारलाई नेकपा एमालेले २७ पिस जस्तापाता टिन सहित खाद्यान्न सामग्री वितरण गरेको छ ।
नेकपा एमाले अध्यक्ष केपी शर्मा ओलीले बिहिबार नेपालगन्जमा पार्टी प्रवेश कार्यक्रममा १ लाख नगद र जस्तापाता टिन सहित खाद्यान्न सामग्री प्रति परिवारलाई राहत दिने घोषणा गरेका थिए ।
सो घोषणा लागत्तै शुक्रबार २७ पिस जस्तापाता टिन सहित खाद्यान्न सामग्री वितरण गरिएको छ भने रु १ लाख नगद प्रति पिडित परिवारहरुको बैंक खातामा जम्मा गरिने नेकपा एमालेका केन्दि«य सदस्य तथा बाँकेका सह इन्चार्ज मोहम्मद हारुनले बताए ।
नरैनापुरको कृष्णनगरमा यही चैत्र २१ गते सोमबार आगलागी भएको थियो । करिब डेढ घण्टा पछि स्थानिय दमकल, प्रहरी, स्थानिय बासीको सहयोगमा आगलागी नियन्त्रण्मा आएको थियो । सो आगलागीबाट करिब १८ लाखको क्षति भएको अनुमान गरिएको छ ।
सो राहत वितरण कार्यक्रममा नेकपा एमालेका केन्दि«य सदस्य तथा बाँके इन्चार्ज सुर्य ढकाल, नेकपा एमालेका केन्दि«य सदस्य तथा बाँकेका सह इन्चार्ज मोहम्मद हारुन, अनुशासन आयोग सदस्य देवराज भार, एमाले प्रदेश कमिटि सदस्य आरती पौडेल लगायतका नेताहरुको उपस्थिती रहेको थियो ।
