रौतहट । रौतहटमा घुससहित दुई जना पक्राउ परेका छन् ।
पक्राउ पर्नेमा इशनाथ नगरपालिका वडा- ७ जोकहा-घिउरास्थित श्री विश्वेश्वर प्रसाद कोइराला आदर्श माध्यमिक विद्यालयका प्रधानाध्यापक राकेशकुमार ठाकुर र उनका सहयोगी दिपेन्द्र कुमार झा रहेका छन् । अख्तियार दुरुपयोग अनुसन्धान आयोग टँगालबाट खटिएको टोलीले उनीहरुलाई तीन लाख घुस रकमसहित पक्राउ गरेको हो ।
कारार सेवा अवधि नियुक्तीवापत घुस लिएको गोप्य सूचनाका आधारमा अख्तियारले उनीहरुलाई यमुनामाई गाउँपालिकाको सरुअठ्ठा चोकबाट बुधबार बिहान पक्राउ गरेको हो । पक्राउ परेका दुवै जनामाथि अनुसन्धान भइरहेका अख्तियारले जनाएको छ ।
