ABC (क्राईमबिट)
काठमाडौं । प्रहरी नायब महानिरीक्षक (डीआईजी) किरण बज्राचार्यले बागमती प्रदेश प्रहरी प्रमुखको जिम्मेवारी सम्हालेकि छन् ।
डीआईजी बज्राचार्य केही दिनअघि मात्रै प्रहरी बरिष्ठ उपरीक्षक (एसएसपी) बाट प्रहरी नायब महानिरीक्षक (डीआईजी) मा बढुवा भएकी थिइन् । यसअघि प्रदेश प्रहरी प्रमुख रहेकी पूजा सिंह एआईजीमा बढुवा भएपछि प्रदेश प्रहरी प्रमुख पद रिक्त रहेको थियो । रिक्त रहेको प्रदेश प्रहरी प्रमुख पदमा डीआईजी बज्राचार्यलाई पदस्थापन गरिएको हो ।
डीआईजी बज्राचार्य हेटौंडा पुगेर बुधबारदेखि नै प्रदेश प्रहरी प्रमुखको जिम्मेवारी सम्हालेकि हुन् । डीआईजी बज्राचार्यलाई बागमती प्रदेश प्रहरी कार्यालय हेटौंडामा कार्यरत प्रहरी कर्मचारीहरुले स्वागत गरेका थिए ।
