(ABC-Sanchar)
दाङ । नेपाल यातायात व्यवसायी राष्ट्रिय महासंघ दाङले कर वृद्धिको बिरोधमा तुलसीपुर घोराही सडकमा आज एक घन्टा चक्का जाम गर्ने भएको छ । बन्द बिहान ९ बजेदेखि १० बजेसम्म तुलसीपुर घोराही सडकमा चक्का जाम गर्ने भएको छ ।
त्यसैगरी १० देखि साढे ११ बजेसम्म यातायात व्यवस्था कार्यालय तुलसीपुरमा घेराउ गर्ने कार्यक्रम रहेको राष्ट्रिय महासंघ दाङका सचिव घनश्याम बस्नेतले जानकारी दिनुभयो । ४२ दिनलाई ६ महिना मानेर यातायात व्यवस्था कार्यालयले रुढ प्रमिट र सवारी जाँचपासमा चर्को शुल्क लिएको भन्दै चक्का जाम गरिएको महासंघले बताएको छ । त्यस्तै संयोजक भरतनाथ योगिले कर घटाउन माग गर्दै जिल्ला प्रशासन कार्यालय दाङ मार्फत लुम्बिनी प्रदेश सरकारलाई ज्ञापन पत्र बुझाउनु भएको छ । उहाले प्रमुख जिल्ला अधिकारी हिरालाल रेग्मी मार्फत प्रदेश सरकारलाई ज्ञापन पत्र बुझाएका हुन । प्रजिअ रेग्मीले यस बारे पहल गर्ने आस्वासन दिनु भयो । योगिले प्रजिअ रेग्मीलाई फोरलेन बिस्तारलाई तिब्र गतिमा लैजान ज्ञापन पत्र मार्फत आग्रह गर्नु भयो ।
यस अघि एक बर्षमा रुट प्रमिट र सवारी जाँचपासका लागि एक हजार रुपैयाँ कर लाग्ने गरेको थियो । तर अहिले घटाएर ४२ दिन र त्यो पनि समयमा नबुझाएमा ३ देखि ५ हजार सम्म जीबाना गर्ने निर्णय गरे पछि व्यवसायी आन्दोलित भएका हुन ।
