१७ जेठ २०८१, बिहिबार
30-05-2024 , Thu
×

टिकटक र फेसबुकले बिग्रिए प्रहरीहरु डिउटीको समयमा मोबाइल प्रयोगमा रोक

Logo
प्रकाशित मंगलबार, भाद्र २८, २०७९

ABC (क्राईमबिट)
काठमाडौं । फेसबुक र टिकटकले प्रहरी बिग्रिएको निष्कर्षसहित प्रहरीमा मोबाइल प्रयोगलाई कडाई गरिएको छ । डिउटीको समयमा त मोबाइल प्रयोग गर्ने प्रहरी कारबाहीमा पर्न थालेका छन् ।

प्रहरी मोबाइलमा फेसबुक र टिकटक हेरेर बस्ने त्यही बेला अपराधीहरु भाग्नेसम्मका घटना देखिएपछि यसमा कडाई सुरु भएको हो । गत ८ भदौमा राजधानीमा यस्तै एउटा घटना भयो । नख्खु कारागारको सुरक्षामा खटिएका प्रहरी कैदी भोला बुढाथोकीलाई लिएर त्रिवि शिक्षण अस्पताल गएका थिए । कैदी आँखाको जाँचका लागि चिकित्सकको कोठाभित्र छिरे ।

फुर्सदको मौकामा सुरक्षामा खटिएका प्रहरी बाहिर मोबाइल चलाउन थाले । मोबाइलमा रमाउँदा रमाउँदै कैदी कतिखेर निस्किए उनीहरुले चालै पाएनन् ।

 

यो घटनापछि कारागारमा कार्यरत प्रहरीलाई डिउटीको समयमा मोबाइल बोक्नै रोक लगाइएको छ । कमान्डर बाहेक अन्यलाई मोबाइल बोक्न रोक लगाइयो । घटनाको सम्बन्धमा एसपी देवेन्द्र पालको नेतृत्वमा छानबिन समिति बन्यो । समितिले पनि मोबाइल प्रयोगमा कडाई गर्न सिफारिस गरेको छ ।

त्यसो त प्रहरी प्रधान कार्यालयले पनि हालै देशभरी यसबारे परिपत्र गरेको छ । कसैले डिउटीको समयमा मोबाइल प्रयोग गरेमा कारबाही हुने चेतावनी दिइएको छ ।

मोबाइल र सामाजिक सञ्जालको दुरुपयोग समाजकै लागि एउटै चुनौती बनेको छ । हरेक क्षेत्रमा यो समस्या छ । त्यसकारण प्रहरीमा पनि नहुने कुरा भएन ।

तर, कानुनको कार्यान्वायन गराउने प्रहरी अधिकारी यस्ता लतमा पर्दा अपराधीलाई फाइदा हुने अवस्था छ । यस्तो समस्या नेपालमा मात्र होइन, अन्य देशका सुरक्षा निकायमा पनि छ । धेरै देशमा डिउटीको समयमा प्रहरीलाई मोबाइल बोक्न रोक लगाउन थालिएको छ ।

कमेन्ट गर्नुहोस्
सम्बन्धित

  (ABC-Sanchar) काठमाडौं । नेपाल सरकारले टिकटकलाई प्रतिबन्ध लगाएपछि औपचारिक रूपमै दर्ता हुन टिकटकले इमेल गरेको हो । सरकारले सरकारले सामाजिक सञ्जालको प्रयोगलाई नियमन गर्ने निर्देशिका २०८० जारी गरेपछि नेपालमा दर्ता प्रक्रियामा अनुसार टिकटकले इमेल गरेको सञ्‍चार तथा सूचना प्रविधि मन्त्रालयले जनाएको छ । हाल टिकटक बन्दको विरुद्धमा अदालतमा मुद्दा विचाराधीन रहेको छ ।

  ABC (क्राईमबिट) दाङ । घोराही उपमहानगरपालिका वडा नं. १४ ढोडेनी टोल स्थित वडा प्रहरी कार्यालय घोराही दाङबाट प्रहरी नायब निरीक्षक तुल बहादुर वि क को कमाण्ड प्रहरी टोली खटिई ऐ ऐ १४ ढेडेनीटोलका स्थानीय व्यक्तिहरुलाई आत्महत्याको परिचय, आत्महत्याको कारण, न्यूनिकरणका उपायहरु, आत्महत्या दुरुत्साहन सम्बन्धी कसुरमा भएको कानूनी व्यवस्था लगायत विषयमा सचेतनामूलक जानकारी दिनु भएको […]

  (ABC-Sanchar) काठमाडौं । पत्रकार आचारसंहिता विपरित प्रस्तुत भएको भन्दै प्रेस काउन्सिलले एक टेलिभिजन पत्रकारलाई सोमबार सोधपुछ एक सरकारी कार्यालयमा रिपोटिङ गर्ने क्रममा स्पेस फोके टिभीका पत्रकार कपिल शाहीले कर्मचारीलाई थर्काउने र अशिष्ट व्यवहार गरेका थिए । उक्त भिडियो सामाजिक सञ्जालमा भाइरल बनेको थियो । रेल विभागका कर्मचारीमाथि जबर्जस्ती गरिएको उक्त भिडियोले पत्रकारिताको बेइज्जत भएको […]