ABC (क्राईमबिट)
काठमाडौं । केहि व्यक्तिहरुले बा ५१ प ४६३९ नं. को मोटरसाइकलको Leg Guard बाट धारिलो हतियार तरवार झिकेको भिडियो खिची सामाजिक सञ्जाल टिकटकमा अपलोड गरी जनसर्वसाधारणमा अशान्ति मच्चाएको लगायतको सूचना प्राप्त हुन आएको ।
जिल्ला प्रहरी परिसर टेकुबाट मातहत प्रहरी वृत्तहरु र प्रभागहरु लगायतलाई उक्त सूचना प्रवाह गरी गम्भीरताकासाथ खोज तलास गराउँदा प्रहरी बृत्त बालाजु र प्रहरी वृत्त स्वयम्भूबाट संयुक्त रुपमा खटिएको प्रहरी टोलीद्वारा मिति २०७९।०७।२० गते राती अं. २०:०५ बजेको समयमा जिल्ला काठमाण्डौ का.म.न.पा. वडा नं. १६ बालाजुमा उक्त बा. ५१ प. ४६३९ नम्बरको मोटरसाइकललाई फेला पारी लेग गार्डमा फिटिङ्ग गरिएको धारिलो हतियार तरवार र मो.सा.सहित निम्न लिखित व्यक्तिहरुलाई नियन्त्रणमा लिइएको ।
निम्न:-
क) पक्राउ परेका व्यक्तिहरु:
१. जिल्ला काठमाण्डौ नागार्जुन नगरपालिका वडा नं.२ सानो भर्याङ स्थायी घर भएका बर्ष २३ को दिपेश महर्जन ।
२. जिल्ला दोलखा मेलुङ्ग गाऊँपालिका वडा नं. ६ स्थायी घर भई हाल काठमाण्डौ जिल्ला काठमाण्डौ महानगरपालिका वडा नं.१५ स्वयमभू बस्ने बर्ष २२ को श्रवण लामा ।
ख) बरामद दशी:
१. बा. ५१ प. ४६३९ नम्बरको बुलेट मोटरसाइकल-१ ।
२. मोटरसाइकलको लेग गार्डमा जडित दुई फिट साढे दुई ईन्च लम्बाई भएको धारिलो हतियार (तरवार) थान-१ ।
घटनाको सम्बन्धमा प्रकरण ख) मा बरामद दशीका समानसहित प्रकरण क) मा उल्लेखित पक्राउमा परेका व्यक्तिहरु दिपेश महर्जन र श्रवण लामा उपर मुलुकी अपराध संहिता २०७४ को परिच्छेद-५ को सार्बजनिक हित, स्वास्थ्य, सुरक्षा, सुविधा र नैतिकता विरुद्धको कसूर अन्तर्गत मुद्धा दर्ता गरी जिल्ला प्रशासन कार्यालय काठमाण्डौबाट दिन – ७ को म्याद थप अनुमती समेत लिई प्रहरी वृत्त, बालाजुबाट थप अनुसन्धान कार्य भई रहेको ।
