ABC (क्राईमबिट)
बाँके । नेपालगन्ज रुपैडिया भारतमा
औषधि किन्न रुपैडिया गएर फर्कँदै गरेका दाङ घोराही उपमहानगरपालिका १५ निवासी जानकी चौधरीलाई रुपैडिया पस्दै गर्दा एसएसबी प्रहरीले शरीर पूरै चेकजाँच गयो कपडा सम्म खोल्न भने । आईडी कार्ड या नागरिकता माग्दै रोक्यो । केही परिचयपत्र नभएपछि फर्काउन खोज्यो । डाक्टरले दिएको पर्चा देखाएर उनी बल्लतल्ल रुपैडिया प्रवेश गरे । आईडी कार्ड नबोकेका र मास्क नलगाएका व्यक्ति उनकै अगाडिबाट फर्काइए । कतिले स्कुले पोशाकमै रहेका बालबालिकाबाट मास्क किनेर लगाएर फेरि भारत प्रवेशको प्रयास गरे । चौधरीले भने, ‘रुपैडियाबाट फर्कँदा पनि एसएसबी प्रहरीले फेरि चेकजाँच गयो । मोटरसाइकल, स्कुटर, पाइडल रिक्साको लामै लाइन थियो । स्कुटरका डिग्गी र रिक्सा खोलेर सबै देखाउनु परेको थियो ।’
एसएसबीले भारत जाँदा र आउँदा गरेको चेकजाँचलाई नेपालीहरुले संकटकालमा नेपालका सुरक्षाकर्मीले चेकजाँच गरेको झल्को दिएको बताइरहेका थिए । कति यति धेरै झन्झट ब्यहोरेर अब देखि कहिले पनि सामान किन्न नजाने भन्दै थिए । नेपाल भारत खुला सीमामा एसएसबी प्रहरीले गरेको कडा चेकजाँचको भारतीय व्यापारीले पनि विरोध गरिरहेका छन् । रुपैडियाका व्यवसायीहरुले पनि एसएसबीले चेकिङका नाममा ज्यादती गरिरहेको बताउँछन् सबै ब्यापारीहरु मिलेर चेकजाँचलाई केही खुकुलो गर्न एसएसबीलाई अनुरोध गर्ने बताएका छ्न ।
