ABC (क्राईमबिट)
सिरहा । लहान नगरपालिका वडा नं. ८ स्थित रहेको यातायात व्यवस्था कार्यालय लहान सिरहामा आएका सेवाग्राहीहरुलाई काम छिटोछरितो गराई दिन्छु भनि काम बापतपैसा उठाउने चार बिचौलियालाई ईलाका प्रहरी कार्यालय लहान सिरहा बाट खटिएका टोलीले नियन्त्रणमा लिएको हो ।
कार्यालय परिसर भित्र फाइल लिएर भित्र बाहिर गर्ने प्रचलित कानून विपरीत अत्याधिक सेवा शुल्क लिने तथा सेवाग्राहीहरुलाई अनावश्यक हैरानी दिने बिचौलियाहरु धेरै नै देखिन्छ ।
पटक-पटक जनगुनासो प्राप्त हुन साथ तत्काल ईलाका प्रहरी कार्यालय लहान सिरहाबाट खटिएको प्रहरी टोलीले अनुगमन गर्दा यस्ता क्रियाकलाप गर्दै गरेको अवस्थामा फेला पारी निम्न नामथर वतन भएका व्यक्तिहरुलाई नियन्त्रणमा लिई निजहरुलाई सम्मानित सिरहा जिल्ला अदालतबाट अभद्र व्यवहार मुद्दामा ७ दिन को म्याद लिई ईलाका प्रहरी कार्यालय लहान सिरहाबाट थप अनुसन्धान कार्य भइरहेको छ ।
जसमध्ये निम्न नाम ठेगाना भएको केही बिचौलियाहरुलाई नियन्त्रणमा लिएको हो । जसको नाम र ठेगाना ।
जिल्ला सप्तरी खडक नगरपालिक वडा नं. ३ बस्ने अन्दाजी बर्ष ४२ को जिवछ ठाकुर
ऐ. ऐ. बस्ने अन्दाजी बर्ष ३२ को अनिल कुमार चौधरी
जिल्ला सिरहा लहान नगरपालिका वडा नं. ७ बस्ने ऐ. नवराजपुर गाउँपालिका वडा नं. १ बस्ने अन्दाजी वर्ष ३३ को नन्दन खेताङ्ग र ४१ को विष्णुदेव यादव लाई नियन्त्रणमा राखी प्रहरी ले थप अनुसन्धान थालिएको छ ।
