(ABC-Sanchar) सिरहा । सोही क्रममा मधेश प्रदेशको सिरहामा जातीय छुवाछुतको नमुना पेश गरिएको छ । सिरहा जिल्लाको भगवानपुर गाउँपालिकास्थित एक सार्वजनिक भोजमा जातको हिसाबले भोज खान पाउने गरी नियम लगाएपछि सरकार, स्थानीय प्रशासन र प्रणालीलाई सीधा चुनौति दिएको छ । जातपात छुवाछुत मान्न नहुने सरकारले भनेपछि भगवानपुरको यो घटनाले उच्च, निच्च जातको कृतिम गन्धलाई बढाबा दिएको पाइएको छ ।
सिरहा जिल्लाको भगवानपुर गाउँपालिकास्थित एक सार्वजनिक भोजमा जातको हिसाबले भोज खान पाउने गरी नियम लगाएपछि सरकार, स्थानीय प्रशासन र प्रणालीलाई सीधा चुनौति दिएको छ । जातपात छुवाछुत मान्न नहुने सरकारले भनेपछि भगवानपुरको यो घटनाले उच्च, निच्च जातको कृतिम गन्धलाई बढाबा दिएको पाइएको छ ।
तस्विरमा देखिएको बोर्ड भगवानपुर गाउँपालिकाका अध्यक्ष उग्रनारायण यादवले लगाएको साइनबोर्ड हो । जातीय छुवाछुतको पराकाष्ठा नाघेका यादवको स्वः आमाको समपिण्ड भोज (किरिया कर्म) मा गरिएको भोजमा जातको आधारमा बैठक लगाउनुपर्ने बाध्यता सृजना गरिएको थियो ।
यादव समुदायलाई अर्कै ठाउँमा, गिरी समुदाय, बँगाली, राजपुत, सुडी, पासवान, चमार समुदायलाई अलगै अलगै बसाउन लगाएको पम्पलेटले यतिबेला विवाद उत्पन्न भएको छ ।
गाउँपालिका अध्यक्ष यादवले आयोजना गरेको सभाको भोजमा समुदाय अनुसार भेदभाव गर्दा उनको नैतिकतामाथि पनि प्रश्न खडा भएको छ । एक गाउँपालिका अध्यक्ष जस्तो पदमा आसिन गाउँपालिका अध्यक्ष यादवको कर्तुतलाई चौतर्फी आलोचना भएको छ ।
विभिन्न समुदायहरुलाई भोजभतेरमा बोलाएर जातीय छुवाछुत गरी अपमान गरेको भन्दै कारवाहीको लागि चौतर्फी माग उठेको हो ।
जातीय छुवाछुत वा भेदभाव गरेको प्रमाणित भएमा ३ बर्ष कैद र ३० हजार रुपैयाँसम्म जरिवानाको व्यवस्था गरिएको छ । यस सन्दर्भमा गाउँपालिका अध्यक्ष यादवसँग सम्पर्क गर्दा सम्पर्क भने हुन सकेनन् ।
