ABC (क्राईमबिट)
काठमाडौं । सशस्त्र प्रहरी बल, नेपाल प्रधान कार्यालय हल्चोक स्वयम्भूमा फागुन २८ गतेदेखि ‘सशस्त्र प्रहरी महानिरीक्षक कप–२०७९’ खेलकुद प्रतियोगिता सुरु भएको छ । सशस्त्र प्रहरी अतिरिक्त महानिरीक्षक नारायणदत्त पौडेलको प्रमुख आतिथ्यमा आयोजित एक कार्यक्रमका वीच ‘सशस्त्र प्रहरी महानिरीक्षक कप–२०७९’ खेलकुद प्रतियोगिता शुभारम्भ गर्नुभएकोे हो । सशस्त्र प्रहरी अतिरिक्त महानिरीक्षक पौडेलले फुटबलका राष्ट्रिय रेफ्री दिनेश अधिकारीलाई बल हस्तान्तरण गरी फुटबल प्रतियोगिताको शुभारम्भ गर्नुभएको हो । सो कार्यक्रममा सशस्त्र प्रहरी बल, नेपालका सशस्त्र प्रहरी बरिष्ठ अधिकृत, अधिकृत लगायत खेलाडी तथा विल्लादार जवानहरुको उपस्थिति रहेको थियो । सो फुटबल प्रतियोगिता चैत्र ३ गतेसम्म नेपाल एपीएफ रंगशालामा संचालन हुनेछ । उक्त प्रतियोगितामा 
राष्ट्रिय सशस्त्र प्रहरी बल प्रशिक्षण प्रतिष्ठान र सशस्त्र प्रहरी बल नेपालका बाहिनी मुख्यालयहरु गरी नौ वटा टिमको सहभागिता रहेको छ । उद्घाटन खेलमा सशस्त्र प्रहरी बल नेपाल नं. ७ बैद्यनाथ बाहिनी मुख्यालय कैलालीले सशस्त्र प्रहरी बल नेपाल नं. ६ बाहिनी मुख्यालय महेश्वरीलाई १–० ले पराजित गरी बिजयी भएको हो ।
