(सागर थापा)
अर्घाखाँची । समुदाय प्रहरी साझेदारी अवधारणा अनुरुप जिल्ला प्रहरी कार्यालयको आयोजना र सितगंगा न.पा वडा नं १३ र १४ को सहआयोजनामा जिल्ला अर्घाखाँची सितगंगा न.पा. वडा १३ स्थित छेडामा यस जिल्ला प्रहरी कार्यालयका कार्यालय प्रमुख प्र.ना.उ. मुकुन्द प्रसाद रिजालको प्रमुख आतिथ्यतामा प्रहरीसँग मनका कुरा भन्ने मुल नाराका साथ जिल्लामा सक्रिय महिला बालबालिका तथा जेष्ठ नागरिकको क्षेत्रमा काम गर्ने विभिन्न संघ संस्थाका प्रमुख एवं प्रतिनिधीहरु, पत्रकारहरु,विद्यार्थीहरु शिक्षकहरु, स्थानिय बासिन्दाहरु लगायत अं.५०० जनाको उपस्थितीमा महिला बालबालिका तथा जेष्ठ नागरिक सम्बन्धी हुने अपराधहरु, लैङ्गिक हिंसा, घरेलु हिंसाको अवस्था, सामाजिक हिंसा,जातिय विभेदलाई रोकथाम,नियन्त्रण र न्यूनीकरणका उपायहरु एवं कानुनी व्यवस्था सम्बन्धी बिषयमा अन्तरक्रिया कार्यक्रम सम्पन्न भएको ।
