ABC (क्राईमबिट) सप्तरी । नेपाल-भारत सीमाक्षेत्रबाट पेस्तोलसहित एक जना पक्राउ परेका छन्। छिन्नमस्ता गाउँपालिका-२, मौवाका अन्दाजी २८ वर्षीय सोनु राय पक्राउ परेका हुन्।आइतबार दिउँसो १ बजे भारतबाट नेपालतर्फ पैदल हिँडेर आउँदै गरेको अवस्थामा तिलाठी कोइलाडी गाउँपालिका-१, खाडो खोलास्थित सीमा क्षेत्रबाट सशस्त्र प्रहरी बीओपी, तिलाठी र प्रहरी चौकी। तिलाठीबाट खटिएको संयुक्त टोलीले उनलाई पक्राउ गरेको हो।
बरामद पेस्ताेल।
उनले कम्मरमा एलाष्टिकमा बाँधेर ल्याएको अवस्थामा एकापट्टिको स्लाइडमा लिडी मेड इन यूएसए र अर्कोपट्टिको स्लाइडमा चाइना लेखिएको म्याग्जिनसहितको अटोमेटिक पेस्तोल १ थान प्रहरीले बरामद गरेको छ।
घटनामा राजविराज नगरपालिका-१ का अन्दाजी २८ वर्षीय रोशन यादवसमेतको संलग्नता हुन सक्ने देखिएकाले उनलाई पनि प्रहरीले नियन्त्रणमा लिइएको जनाएको छ।
