कर्तव्य ज्यान मुद्दामा फरार रहेका एक व्यक्तिलाई प्रहरीले पक्राउ गरेको छ । बर्दिया जिल्ला अदालतबाट १२ वर्ष कैद तथा १ लाख जरिवाना र २५ हजार रुपैयाँ क्षतिपूर्ति तोकिएका फरार प्रतिवादीलाई जिल्ला प्रहरी कार्यालय बर्दियाले पक्राउ गरेको हो ।पक्राउ पर्नेमा बाँसगढी नगरपालिका बस्ने अमरसिंह थारु रहेका छन् । उनलाई मंगलबार साँझ साढे ७ बजे लुकिरहेको अवस्थामा प्रहरीले फेला पारेको थियो । उनलाई जिल्ला अदालतमा उपस्थित गराएर कैद भुक्तानका लागि बर्दिया कारागार कार्यालय पठाइएको छ !