ABC (क्राईमबिट) काठमाडौं । नवनियुक्त प्रहरी महानिरीक्षक बसन्तबहादुर कुँवरले आइतबार दज्र्यानी चिन्ह लगाउने भएका छन् । गृहसचिव विनोदप्रकाश सिंहबाट उनले आइतबार बिहान दज्र्यानी चिन्ह लगाउने कार्यक्रम छ ।
आइतबार नै उनले प्रहरी प्रधान कार्यालयमा पदभार ग्रहण गर्ने कार्यक्रम छ । शनिबारदेखि महानिरीक्षकको कमान्ड सम्हालेपनि बिदाको दिन भएकाले आइतबारदेखि मात्र उनले औपचारिक रुपमा प्रहरी कमान्ड सम्हाल्नेछन् ।
यता अन्य एआइजीको भने पदस्थापन भएको छैन । एआइजीहरु टेकप्रसाद राई, दिपक थापा, श्यामलाल ज्ञवाली र किरण बज्राचार्य गत सोमबार बढुवा भएकोमा बुधबार फुली लगाएका थिए । फुली लगाए पनि जिम्मेवारी नपाउँदा उनीहरु घरमै बसिरहेका छन् ।
साथै एआइजीको थप चार दरबन्दी रिक्त भएको छ । एआइजी, डिआइजी लगायत रिक्त पदमा बढुवाको कहिले हुने अन्योल छ
