लुम्बिनी परिसर भित्र बौद्धको अन्तर्राष्ट्रिय सभाहलमा छानोबाट पानी चुहियो

 (ABC-Sanchar) भैरहवा । लुम्बिनीस्थित बौद्ध अन्तर्राष्ट्रिय सभाहलमा पानी चुहिएको छ । शुक्रबार परेको पानी सभाहलको छानोबाट चुहिएको हो ।

लुम्बिनी विकास कोषले निर्माण कम्पनी लुम्बिनी/अर्घाखाँची/ बाबुल जेभीलाई छानोबाट पानी चुहिएको देखिएको भन्दै तत्काल भरपर्दो मर्मत गरी प्राविधिक रुपमा पानी नचुहिने प्रत्याभूति गराउने गरी मर्मत गर्न निर्देशन दिएको छ ।

साथै लुम्बिनी विकास कोषले मर्मत कार्य सम्पन्न नहुन्जेलसम्म अन्तिम बिल भुक्तानी रोका गरिने जनाएको छ ।