चितवनको सौराहामा अज्ञात समुहले एक हात्तीको सुँड काटियो प्रहरीको अनुसन्धान

ABC (क्राईमबिट) चितवन । गएराति ११ बजेको समयमा अज्ञात समुहले दिपक खतिवडाको चनचलकली हात्तीको सुँड छिनाएको हात्ती सहकारी संस्था लिमिटेडका अध्यक्ष ऋषिराम तिवारीले जानकारी दिए।

राती माउतेहरु सुतेको समयमा आएर हात्तीलाई आक्रमण गरेका हुन्। ‘माउतेहरु सुतेका रैछन्। एक्कासी हात्ती ठुलो स्वरले कराएर हेर्न जाँदा सुँड छिनाएको देखेछन्,’ उनले भने ‘सुँडको एक किलो जति मासु छिनेको छ।’ हात्ती रेखदेख गर्ने समुहबाट नै यस्तो हुन सक्ने व्यवसायीले अनुमान गरेका छन्। राती नै डाक्टर बोलाएर प्राथमिक उपचार गरेको उनले बताए।

हात्तीको सुँडको फिङ्गरको भाग काटिएको छ। जसले हात्तीलाई खाना समेत समस्या हुने उनले बताए। ‘हात्तीले पानी खाने नै सुँडले हो। त्यो काटिएको छ,’ उनले भने ‘हामीलाई कसरी खुवाउने भन्ने चिन्ता थपिएको छ।’ हात्ती ४५ बर्षको बुझिएको छ।
अहिले सौराहामा पर्यटकको संख्या बढी छ। यस्तो समयमा हात्तीहरु बिजि छन्। सौराहामा ३२ वटा निजि हात्ती छन् नागरिक ।