(ABC-Sanchar) काठमाडौँ । त्रिभुवन अन्तर्राष्ट्रिय विमानस्थलका कर्मचारीले अबदेखि खल्ती भएको लुगा लगाउन नपाउने भएका छन्।
विमानस्थलमा यात्रुका लगेज ओसारपसार गर्ने नेपाल वायु सेवा निगमका कर्मचारीले खल्ती भएको लुगा लगाउन नपाउने भएका हुन् ।
यात्रुहरूको लगेज फुटेकोजस्ता गुनासा आएपछि निगमले यस्तो निर्णय गरेको हो । ब्यागेज ओसारपसार गर्ने ट्रलीहरूमा बार तथा चेन समेत लगाइएको र लगेजलाई वर्षातको पानीबाट जोगाउन ट्रलीमा छानासमेत लगाएको निगमले जनाएको छ ।
निगमका अनुसार एयरपोर्टमा कार्यरत कर्मचारीहरूका लागि खल्तीरहित पोसाकको व्यवस्था समेत गरिएको छ । लगेज सुरक्षार्थ कर्मचारी पनि खटाइएका छन्।
