ABC (क्राईमबिट) सल्यान । शारदा नगरपालिका ७ कागेखोलास्थित मसिना सामुदायिक वनमा सडेको अवस्थामा एक पुरुषको शव भेटिएको छ ।
मसिना सामुदायिक वनको भीरमा बाख्रा चराउन गएका स्थानीयहरूले सडेगलेको अवस्थामा उक्त शव देखेपछि प्रहरीलाई बोलाइएको थियो ।
स्थानीयहरूका अनुसार उक्त शव शारदा नगरपालिका ओखरेनीका ३८ वर्षीय भद्रबहादुर बिकको हो ।
जिल्ला प्रहरी कार्यालय सल्यानका प्रहरी प्रवक्ता तथा प्रहरी निरीक्षक गोलाप श्रेष्ठले शरीरमा भएको कपडाको आधारमा आफन्तहरूले शवको पहिचान गरेको जानकारी दिए ।
उनका अनुसार मृत भेटिएका विक गत चैत्र १२ गतेदेखि घरबाट हराइरहेका थिए । मानसिक सन्तुलन कमजोर भएका उनको भीरबाट लडेर मृत्यु भएको हुनसक्ने प्रहरीको भनाइ छ । विकको शव पोष्टमार्टमका लागि जिल्ला अस्पताल ल्याइएको छ ।
