(ABC-Sanchar) काठमाडौं महानगरपालिकाले सिल गरिदिएको छ । महानगरका नगर प्रहरी प्रमुख राजुनाथ पाण्डेले अनुसार नियमविपरीत सञ्चालनमा रहेको कोतःधुकु पेट्रोल पम्प सिल गरिएको जानकारी दिए ।
उक्त पेट्रोल पम्पका कारण जोखिम बढेको भन्दै स्थानीयले गुनासो गर्दै महानगर गुहारेका थिए । पम्प हटाउनका लागि महानगरले ताकेता गरेपनि नहटाएपछि सिल गरिएको पाण्डेले जानकारी दिए ।
सटरभित्र बालाजु–ठमेल सडकको दायाँतर्फ रहेको उक्त पम्पले सडकबाटै सवारीसाधानलाई तेल हालिदिँदा जोखिम बढेको थियो ।
पेट्रोलियम पदार्थ विक्रेता नियमावली, २०७५ अनुसार महानगरपालिकाभित्र पर्ने पेट्रोलपम्पको जग्गाको क्षेत्रफल कम्तीमा २५ सय वर्ग मिटर वा ५ रोपनी हुनुपर्छ । यस्तै, सडकतर्फको मोहडा कम्तीमा ३५ मिटर हुनुपर्ने उल्लेख छ । यस्तै, बिक्री कक्ष भवन, बिक्री स्थलको पेभमेन्ट,पर्खाल हुनुपर्ने र तीनको व्यवस्थाका लागि तोकिएको मापदण्ड अनुसार हुनुपर्ने उल्लेख छ ।
