ABC (क्राईमबिट)
काठमाडौँ । सरकारी कागजात कीर्ते गरेको आरोपमा पत्रकार मदनबाबु भण्डारी पक्राउ परेका छन । सुरक्षा न्युज नेटवर्कका प्रबन्ध निर्देशक रहेका मदनबाबु भण्डारी केहीबेर अघि त्रिभुवन विमानस्थलबाट पक्राउ परेको महानगरीय प्रहरी परिसर काठमाडौँका प्रमुख एसएसपी दानबहादुर कार्कीले जानकारी दिए । उनले भने भण्डारीको बारेमा सरकारी कागजात कीर्तेको उजुरी परेको र सोही क्रममा अनुसन्धानका लागि पक्राउ गरिएको बताए । भण्डारी पोखराबाट काठमाडौँ फर्किने क्रममा पक्राउ परेका हुन ।
जाँदा प्रमुखको गाडीमा फर्किदाँ सीधै प्रहरी खोरमा
भण्डारी केही दिनअघि प्रहरी प्रमुख बसन्त कुँवरसँगै बुटवल हुँदै अर्घाखाँची गएका थिए । रूपन्दहीका एक प्रत्यक्षदर्शीका अनुसार कुँवरकै गाडीमा भण्डारी गुम्मी पुगेका थिए । गुल्मी नै स्थायी घर भएका भण्डारी लामो समयदेखि सुरक्षा बिटमा कार्यरत पत्रकार हुन । उनी पछिल्लो समय प्रमुख कुँबरको निकै नजिक रहेर सूचना सम्प्रेषण गरिरहेका थिए । केही दिनअघिदेखि भुटानी शरणार्थी प्रकरणमा पक्राउ परेकाहरूको बारेमा पनि उनले पक्राउ हुनु अघि नै पुर्जी जारी हुँदै लगायतका सूचना सम्प्रेषण गरिरहेका थिए । गुल्मी जाँदा प्रहरी प्रमुखको गाडीमा सँगै गएका भण्डारी फर्किदाँ भने घर जानै नपाइ विमानस्थलबाटै हत्कडी लगाएर सीधै जिल्ला प्रहरी परिसर काठमाडौंको हिरासतमा पुगेका छन ।
