ABC (क्राईमबिट)
काठमाडौं । उच्च अदालत पाटनले पृथ्वी मल्ललाई ४ वर्ष जेल र ४० हजार रुपैयाँ जरिवानाको फैसला गरेको छ । लापरबाहीपूर्वक कार चलाएर दुर्घटना गराएको भन्दै बुढानीलकण्ठ–८ भद्रकालीका मल्लविरुद्ध उच्च अदालतले यस्तो फैसला गरेको हो ।
उच्च अदालतका न्यायाधीश राजेन्द्र खरेल र जगदीश घिमिरेको इजलासले फैसला सुनाउँदै मल्ललाई जेल सजाय र जरिवानाको फैसला गरेको अदालतका शाखा अधिकृत गिरिराज भण्डारीले बताए ।
मल्लले लापरबाहीपूर्वक चलाएको कारले २०७६ मंसिर २८ गते बिहान १० बजे ठक्कर दिँदा लीला देवकोटाको घटनास्थलमै मृत्यु भएको थियो । मादक पदार्थ सेवन गरेका र कार चलाउने लाइसेन्स समेत नभएका मल्लले अनियन्त्रित तवरले तीव्र गतिमा चलाएको कारले बूढानीलकण्ठ–५ स्थित फुटपाथमा हिँडिरहेकी देवकोटालाई ठक्कर दिएको थियो ।
